70 բժիշկներ դիմել են Քրեակատարողական ծառայությանը՝ ազատազրկված Անաստասիա Զինովկինայի և Նանա Սանդերի առողջական վիճակի վերաբերյալ: Դիմումը ծառայությանն այսօր ներկայացրել են քաղաքական գործիչ և բժիշկ Անի Քավթարաձեն և բժիշկ Գիորգի Ախոբաձեն:
Բժիշկների խոսքով՝ Անաստասիա Զինովկինայի և Նանա Սանդերի առողջական վիճակն օրեցօր վատթարանում է: Նրանք պահանջում են անհապաղ և լիարժեք բժշկական զննում և համապատասխան բուժում:
«Հատուկ քրեակատարողական ծառայությունը ամիսներ շարունակ անտեսել է Անաստասիա Զինովկինայի և Նանա Սանդերի առողջական ծանր վիճակը։ Բազմաթիվ պաշտոնական դիմումներից հետո պահանջները չեն բավարարվում, գրավոր պատասխան չկա, և նրանց վիճակն օրեցօր վատթարանում է։ Ահա թե ինչու մենք՝ բժիշկներս, մասնագիտական և էթիկական պատասխանատվությամբ պահանջում ենք, որ քաղբանտարկյալներ Անաստասիա Զինովկինան և Նանա Սանդերը անհապաղ ստանան լիարժեք բժշկական զննումներ և համապատասխան բուժում, ներառյալ անհրաժեշտ լաբորատոր և ռենտգենաբանական հետազոտությունները», — ասված է հայտարարության մեջ, որը ստորագրել է 70 բժիշկ։
