«Վրացական երազանք»-ի ձեռնարկած վերջին փոփոխությունները սահմանափակում են դատական ​​նիստերի լուսաբանումը լրատվամիջոցների կողմից։ Սահմանափակումները վերաբերում են դատարանների դահլիճներին, միջանցքներին և նույնիսկ դատարանի բակին։

Ներկայումս դատարանը թույլ է տալիս լրատվամիջոցներին լուսանկարներ և տեսանյութեր անել դատարանում, եթե նախապես դիմում ներկայացնեն։

«Ընդհանուր դատարանների մասին» օրգանական օրենքը սահմանում է, որ հեռարձակողները սովորաբար կարող են առանց սահմանափակման լուսանկարել, նկարահանել, տեսագրել և ձայնագրել դատական ​​նիստերը։

Օրենքի այս դրույթը փոփոխվում է։

Այսօր հրապարակվել է «Վրացական երազանք»-ի և «Ժողովրդի ուժը» կուսակցության անդամների խորհրդարանում հունիսի 18-ին նախաձեռնած օրենքի նախագիծը։ Փոփոխությունների լայնածավալ փաթեթի հոդվածներից մեկը վերաբերում է դատական նիստերի լուսաբանմանը։

Փոփոխությունները սահմանափակում են նկարահանումները դահլիճներում, նաև դատարանի բակում և միջանցքներում։

Դատավարությունը չեն նկարահանի լրատվամիջոցները, այդ թվում՝ Հանրային հեռարձակողը, այլ դատարանի կամ «դատարանի կողմից լիազորված անձը»։