Աջարիայի Ինքնավար Հանրապետության ոստիկանության դեպարտամենտի նախկին պետ Գրիգոլ Բեսելիան նշանակվել է Քրեական ոստիկանության կենտրոնական դեպարտամենտի տնօրենի տեղակալ։ BM.GE-ի հարցմանն ի պատասխան տեղեկությունը հաստատել են Ներքին գործերի նախարարությունից (ՆԳՆ)։
Նշենք, որ նա ապրիլի սկզբին ազատվել էր ՆԳՆ Աջարիայի ոստիկանության դեպարտամենտի տնօրենի պաշտոնից, և նրա փոխարեն նշանակվել էր Գիորգի Բուխրաշվիլին։
Հիշեցնենք, որ Գրիգոլ Բեսելիան Մզիա Ամաղլոբելիի գործով վկաներից մեկն է։ Առաջին անգամ հենց նա էր ձերբակալել Մզիա Ամաղլոբելիին ոստիկանության շենքի վրա պաստառ փակցնելու համար։
Գրիգոլ Բեսելիան Աջարիայի Ինքնավար Հանրապետության ոստիկանապետ է նշանակվել 2022 թվականին։ Բեսելիան այն անձանց թվում է, որոնց նկատմամբ պատժամիջոցներ են կիրառել Բալթյան երկրները։
