Թբիլիսիի քաղաքապետ Կախա Կալաձեի խոսքով՝ մայրաքաղաքի գլխավոր տոնածառի լույսերը կմիացվեն դեկտեմբերի 12-ին, ժամը 20:00-ին, Առաջին Հանրապետության հրապարակում։

«Մենք ակտիվորեն աշխատում ենք Առաջին Հանրապետության հրապարակում, որտեղ կտեղադրվեն գլխավոր տոնածառը և «Սուրբ Ծննդյան գյուղ» տոնական հատվածը։ Մենք ամեն ինչ անում ենք, որպեսզի ստեղծենք Նոր տարվա մթնոլորտ և տոնական տրամադրություն նրանց համար, ովքեր կգան հրապարակ՝ մեծ, թե փոքր։

Մենք բոլորին հրավիրում ենք դեկտեմբերի 12-ին, ժամը 20:00-ին գալ Առաջին Հանրապետության հրապարակ, որտեղ միասին կլուսավորենք մայրաքաղաքի գլխավոր տոնածառը», — ասել է Կալաձեն։