Ընդդիմադիր ընտրողների մեծամասնությունն աջակցում է Վրաստանում ընթացող բողոքի ցույցերին, մինչդեռ իշխող «Վրացական երազանք» կուսակցության ընտրողների մեծամասնությունը դեմ է դրան, նշված է Սոցիալական հետազոտությունների և վերլուծությունների ինստիտուտի ուսումնասիրության մեջ:

Հարցին, թե որքանով են նրանք աջակցում ընթացող բողոքի ցույցերին, պատասխանները բաշխվել են հետևյալ կերպ, ընդդիմադիր ընտրողների 78 տոկոսը աջակցում է ցույցերին, «Վրացական երազանք»-ի ընտրողների 75 տոկոսը դեմ է եվրոպամետ ցույցերին:

Ուսումնասիրության հեղինակները նշել են, որ Վրաստանի բնակչության զգալի մասը (43 տոկոս) աջակցում է ներկայիս բողոքի ցույցերին, աջակցությունը զգալիորեն աճել է Թբիլիսիի բնակիչների (62 տոկոս) շրջանում: Մարզերում 40 տոկոսը չի աջակցում բողոքի ցույցերին, մինչդեռ 35 տոկոսն աջակցում է։

«Վրացական երազանք»-ի ընտրողների շրջանում ակնհայտ մեծամասնությունը (75 տոկոսը) չի աջակցում բողոքի ցույցերին։