«Վրացական երազանք»-ի կառավարությունը Վրաստանում տարբեր հարցերով զբաղվող հինգ քաղաքացիական հասարակական կազմակերպություններից պահանջել է մանրամասն տեղեկատվություն 2024 թվականից ի վեր ստացված դրամաշնորհների վերաբերյալ։

Պահանջվող տեղեկատվությունը ներառում է անձնական տվյալներ՝ դրամաշնորհի տրամադրումից հետո նախատեսված աշխատանքային պլանը, հաշիվ-ապրանքագրերը, ընդունման և հանձնման ակտերը, մասնակիցների և շահառուների անձնական տվյալները (անձնական համարներ), գործունեությունը պատկերող լուսանկարչական և տեսաերիզային նյութեր և այլ մանրամասներ։

Կազմակերպությունները հայտարարել են, որ չեն փոխանցի տեղեկատվություն Ռաժդեն Կուպրաշվիլիի կոռուպցիայի դեմ պայքարի բյուրոյին` չնայած այն հանգամանքին, որ ժողովրդավարական հետընթացների ֆոնին ընդունված նոր օրենսդրությունը նախատեսում է քրեական պատասխանատվություն անհնազանդության համար։

Այս դեպքում վերաքննիչ բողոքի և դատարանի որոշման իրավական հիմքը ոչ թե «Գործակալների մասին օրենքը» կամ «ԱՄՆ-ի նման օտարերկրյա գործակալների գրանցման մասին օրենքն» է, այլ վերջերս ընդունված «Դրամաշնորհների մասին օրենքը»։