Հոգեկան առողջության և թմրամոլության կանխարգելման կենտրոնի գործադիր տնօրեն Լևան Չակվետաձեն հրաժարական է տվել։
Չակվետաձեն հայտարարության մեջ գրել է, որ պաշտոնը թողել է անձնական որոշման հիման վրա։
«Անձնական պատճառներով որոշել եմ թողնել գործադիր տնօրենի պաշտոնը։ Ես կցանկանայի երախտագիտություն հայտնել իմ թիմին, որը զգալի ներդրում է ունեցել երկրում ընթացող ամենակարևոր բարեփոխման իրականացման գործում», — ասել է Լևան Չակվետաձեն։ Հրաժարականի մասին նրա որոշումը տարածել է Հոգեկան առողջության և թմրամոլության կանխարգելման կենտրոնը։
