«Վրացական երազանքը»-ի որոշ ներկայացուցիչներ սպառնալիքներ են հնչեցրել հոկտեմբերի 4-ի բողոքի ցույցի մասնակիցների նկատմամբ:

Թբիլիսիի քաղաքապետ և քաղաքապետի թեկնածու Կախա Կալաձեն հայտարարել է. «Չեմ ուզում որևէ մեկն անի այնպիսի քայլ, որ հայտնվի բանտում»:

«TV pirveli» լրատվամիջոցը հրապարակել է տեղեկություն, ըստ որի` լրագրողի հարցին, թե կմասնակցե՞ք ցույցերի ժամանակ ժողովրդի նկատմամբ ուժի կիրառմանը, ՆԳՆ հատուկ առաջադրանքների ծառայության աշխատակիցը պատասխանել է. «Այո, առաջինը կլինես դու»:

Հասարակական կազմակերպությունները, ակտիվիստները և քաղաքացիները, որոնք հոկտեմբերի 4-ին, ընտրատեղամասեր գնալու փոխարեն, կմասնակցեն Ռուսթավելիի պողոտայի ցույցին, ասել են, որ նախատեսվում է խաղաղ հեղափոխություն։