Թբիլիսիի Իլիայի պետական համալսարանի իրավաբանական դպրոցի դասախոսները համատեղ հայտարարություն են տարածել՝ արձագանքելով բարձրագույն կրթության ոլորտում նախատեսված փոփոխություններին։
Նրանց գնահատմամբ, նախատեսված բարեփոխումը հակասում է բարձրագույն կրթության բարելավման նպատակներին, միաժամանակ ոչնչացնելով համալսարանական կրթության որոշակի ոլորտներում, այդ թվում՝ Իլիայի պետական համալսարանի իրավաբանական դպրոցում ձեռք բերված արդյունքները, ոչնչացնելով առողջ մրցակցությունը, որը կհանգեցնի դասավանդման և հետազոտությունների որակի զգալի վատթարացման։
«Անհնար է բարձրագույն կրթության հիմնարար հարցի վերաբերյալ նման արմատական փոփոխություններ իրականացնել ոչ թափանցիկ եղանակով՝ առանց համապատասխան հետազոտությունների, ոլորտի մասնագետների և, ամենակարևորը՝ համալսարանի (նրա վարչակազմի, դասախոսների և ուսանողների) պատշաճ ներգրավման, ակադեմիական հանրության իրական մասնակցության, նրանց կամքը անտեսելով և անարդարացիորեն խիստ սեղմ ժամկետներում նրանց պարտադրելով, առանց Սահմանադրության հետ համատեղելիության նույնիսկ նվազագույն հավակնությունների»,- գրել են նրանք։
Ըստ դասախոսների՝ նախատեսված փոփոխությունները հակասում են ինչպես Վրաստանի Սահմանադրության հիմնարար սկզբունքներին, այնպես էլ միջազգային իրավունքով նախատեսված նվազագույն չափանիշներին, որոնք անտեսում են պետության վրա դրված կրթության իրավունքն աստիճանաբար բարելավելու պարտավորությունը։
Բակալավրը կդառնա երեք տարի, մագիստրատուրան՝ մեկ. Իրակլի Կոբախիձե
Հաջորդ տարվանից պետական համալսարանները չեն ընդունի օտարերկրյա ուսանողների
