2026 թվականի հունվարի 1-ից Վրաստան մուտք գործող օտարերկրյա քաղաքացիների համար ապահովագրությունը կդառնա պարտադիր:

Նոր կանոնակարգի համաձայն՝ Վրաստան մուտք գործելիս զբոսաշրջիկը պետք է ունենա առողջության և դժբախտ պատահարի ապահովագրություն, որի նվազագույն ապահովագրական գումարը կազմում է 30 հազար լարիից ոչ պակաս, իսկ  ժամկետը պետք է ներառի այցելուի Վրաստանում գտնվելու ամբողջ ժամանակահատվածը։

«Իմեդի Լ» ապահովագրական ընկերությունը ստեղծել է նոր առաջարկ հատուկ օտարերկրյա այցելուների համար և զբոսաշրջիկներին առաջարկում է անհատականացված ապահովագրություն Վրաստանում գտնվելու ընթացքում։

«Առաջարկն ամբողջությամբ հարմարեցված է օտարերկրյա զբոսաշրջիկների կարիքներին և համապատասխանում է օրենքով սահմանված բոլոր պահանջներին: Այս առաջարկի մատչելիությունը մեծացնելով և պարզեցնելով՝ մենք ցանկանում ենք, որ օտարերկրյա քաղաքացիները Վրաստան ճանապարհորդելիս իրենց ավելի հանգիստ և անվտանգ զգան:

Աշխարհագրական գործոնը նույնպես մեծ նշանակություն ունի ճանապարհորդների համար, այդ իսկ պատճառով մենք կարծում ենք, որ «Իմեդի Լ»-ի մատակարարների լայն ցանցը և երկրի ողջ տարածքում կլինիկաների հասանելիությունը մեզ մեծ առավելություն են տալիս», — պարզաբանել է ընկերությունը։

Այցելուների ապահովագրության պայմանը նախատեսված է և՛ կարճաժամկետ, և՛ երկարատև այցելությունների համար։

Բացի պարտադիր արտակարգ ապահովագրությունից, նախատեսվում է նաև բժշկական ծառայությունների բազմազանություն, այդ թվում՝ ընտանեկան բժշկի ծառայություններ, ամբուլատոր և ատամնաբուժական ապահովագրություն։

Ըստ Imedi L-ի՝ կազմակերպությունն ակտիվորեն համագործակցում է զբոսաշրջային և բիզնեսի ներկայացուցիչների հետ։

Հաճախորդները կարող են  ապահովագրություն ձեռք բերել առցանց՝ Imedi L կայքում՝ imedil.ge/visitors-insurance/ge, մի քանի րոպեի ընթացքում։ Ապահովագրությունը հնարավոր է ակտիվացնել գործընկեր զբոսաշրջային ու միջնորդական ընկերություններում և Imedi L մասնաճյուղերում։

Այս թեմայով կարդացեք նաև.

Հունվարի 1-ից Վրաստանում կգործի պարտադիր բժշկական ապահովագրությունը