Արդարադատության գերագույն խորհուրդը թույլատրել է «Իմեդի» հեռուստաընկերությանը և Հանրային հեռարձակողին նկարահանել Համատեղ ներդրումային հիմնադրամի նախկին ղեկավար Գիորգի Բաչիաշվիլիի դատական նիստը Վերաքննիչ դատարանում։

Նիստը նշանակված է այսօր՝ հուլիսի 30-ին։ Սա առաջին դեպքն է լրատվամիջոցների համար նոր կանոնների ուժի մեջ մտնելուց ի վեր, երբ լսումների ժամանակ թույլատրվել է տեսանկարահանում։

«Ընդհանուր դատարանների մասին» օրենքում կատարված փոփոխություններն ուժի մեջ են մտել հունիսի 27-ին։ Ըստ փոփոխությունների` արգելվում է դատարանում լուսանկարել, տեսագրել, ձայնագրել և հեռարձակել, իսկ նկարահանման թույլտվությունը կարող է տալ Արդարադատության գերագույն խորհուրդը։