«Վրացական երազանք»-ի կառավարության վարչապետ Իրակլի Կոբախիձեն պաշտոնական այցով գտնվում է Թուրքմենստանում:
Հաղորդագրության համաձայն՝ նա կմասնակցի Խաղաղության և վստահության միջազգային տարվան նվիրված ֆորումին, որը տեղի է ունենում Թուրքմենստանի մշտական չեզոքության 30-ամյակի կապակցությամբ։
Ֆորումի շրջանակներում Կոբախիձեն ելույթ կունենա «Խաղաղություն և վստահություն. կայուն ապագայի նպատակների ամբողջություն» լիագումար նիստում, որտեղ կանդրադառնա տարածաշրջանային անվտանգության և միջազգային համագործակցության հարցերին։
Այցի ծրագիրը ներառում է նաև վարչապետի երկկողմ հանդիպումներ, մանրամասներն այս փուլում չեն նշվում։
Պատվիրակության կազմում են ԱԳ նախարար Մակա Բոճորիշվիլին և կառավարության աշխատակազմի ղեկավար Լևան Ժորժոլիանին։
Հարկ է նշել, որ Կոբախիձեն արդեն այցելել է Թուրքմենստան այս տարվա մարտի 6-7-ը: Այդ ժամանակ Աշխաբադում տեղի է ունեցել պաշտոնական դիմավորման արարողություն։
Կոբախիձեն նաև այցելել է Թուրքմենստան օգոստոսի սկզբին՝ Ավազա քաղաքում ընթացող ՄԱԿ-ի ութ ցամաքային երկրների կապի հարցերին նվիրված համաժողովի շրջանակներում։
