«Կոալիցիա փոփոխությունների համար»-ի առաջնորդներից մեկի՝ Զուրաբ Գիրչի Ջափարիձեի գործով դատավճիռը հրապարակվել է։ Ըստ դատավճռի` Ջափարիձեն ազատազրկվել է 7 ամսով, և նրան 2 տարի արգելվել է պետական ​​պաշտոն զբաղեցնել։

Ջափարիձեն չի մասնակցել իր սեփական դատավարությանը։

Զուրաբ Ջափարիձեի դեմ գործ է հարուցվել Քրեական օրենսգրքի 349-րդ հոդվածով` Վրաստանի խորհրդարանի ժամանակավոր քննչական հանձնաժողովի պահանջը չկատարելը։

Մայիսի 22-ին Զուրաբ Ջափարիձեն ձերբակալվել է դատարանի դահլիճում. որոշումը կայացրել է դատավոր Իրակլի Շվանգիրաձեն։

Դատախազությունը միջնորդություն էր ներկայացրել դատարան՝ Ջափարիձեի նկատմամբ կալանքի կիրառման պահանջով ժամանակավոր քննչական հանձնաժողով չներկայանալու և որպես խափանման միջոց նշանակված գրավը չվճարելու համար։

Դատավորը բավարարել էր մեղադրողի միջնորդությունը և խափանման միջոցը փոխարինել կալանքով։