Դատախազության հաղորդմամբ՝ Թբիլիսիի վերաքննիչ դատարանն ուժի մեջ է թողել Կեսարիա Աբրամիձեի սպանության համար մեղավոր ճանաչված տղամարդու ցմահ ազատազրկման դատավճիռը։
Բեքա Ջաիանին, որը մեղադրվում է Կեսարիա Աբրամիձեի սպանության համար, մեղավոր էր ճանաչվել և դատապարտվել ցմահ ազատազրկման։
Որոշումը 2025 թվականի ապրիլի 16-ին հրապարակել էր Թբիլիսիի քաղաքային դատարանի դատավոր Նինո Գալուստաշվիլին։
Ջաիանին մասամբ ընդունել է իր մեղքը. նա խոստովանել է սպանությունը, բայց չի ընդունել ծանրացուցիչ հանգամանքները։
Պաշտպանական կողմն անմիջապես բողոքարկել էր որոշումը Վերաքննիչ դատարան։
Դատախազությունը հուլիսի 21-ին հայտարարեց, որ բարձրագույն դատարանը որոշումը թողել է անփոփոխ։
Հիշեցնենք, հայտնի մոդել, դերասանուհի, տրանսգենդեր Կեսարիա Աբրամիձեի դին հայտնաբերվել է Թբիլիսիի Ավթանդիլի փողոցի 8-րդ շենքի իր բնակարանում 2024 թվականի սեպտեմբերի 18-ին։ Նա 36 տարեկան էր։ Դատաբժշկական փորձաքննությունը եզրակացրել է, որ կինը մահացել է արյունահոսությունից՝ դանակահարության հետևանքով ստացած բազմաթիվ վերքերից։
Միջադեպից 6 ժամ անց 26-ամյա Բեքա Ջաիանին ձերբակալվել էր Քութաիսիի օդանավակայանում։
Ըստ դատախազության՝ որը դատարանը նույնպես հաստատել է`
- Բեքա Ջաիանին փախել է սպանության վայրից՝ փորձելով լքել երկիրը,
- Նա փորձել է ոչնչացնել ապացույցները (դեն է նետել արյունոտ հագուստը, լվացել և մաքրել տարածքը, թաքցրել բջջային հեռախոսը),
- Բեքա Ջաիանին ֆիզիկական և հոգեբանական բռնության է ենթարկել Կեսարիա Աբրամիձեին։
