«Բաթումելեբի»-ի և «Նեթգազեթի»-ի լրատվամիջոցների հիմնադիր Մզիա Ամաղլոբելիին ազատ արձակելու պահանջով նրա գործընկերները շարժում են հիմնում։ Այս մտադրության մասին երեք հեռուստաընկերությունների համատեղ եթերում հայտարարել է լրագրող Նինո Զաուտաշվիլին. մի քանի շաբաթ առաջ նա դադարել է աշխատել Հանրային հեռուստաընկերությունում։
Շարժումը կկոչվի «Մզիայի ազատության համար», որը կգլխավորի լրագրող Նինո Զաուտաշվիլին։
«Մթիս Ամբեբի»-ի խմբագիր Գելա Մթիվլիշվիլին խոսել է շարժման ծրագրերի և նպատակների մասին և նշել, որ միջոցառումներ և գործունեություն կծրագրվեն «Մզիային ազատության մեջ տեսնելու համար»։
«Վերջին 30 տարվա ընթացքում ես չեմ հիշում մի շրջան, երբ ազատ լրատվամիջոցները այսքան դժվար ժամանակներում հայտնվեին, որքան հիմա է։ Չգիտեմ՝ վաղը ինչ կլինի, բայց գիտեմ՝ այսօր ինչ է կատարվում, մեր գործընկերներից մեկը բանտում է։ Մեզանից յուրաքանչյուրը կարող էր լինել Մզիայի տեղում, և մենք իրավունք չունենք չանելու ամեն ինչ` մեր գործընկերոջ ազատությանը հասնելու համար», — ասել է նա։
