Բողոքի ակցիայի մասնակից, փաստաբան Միխեիլ Զաքարեիշվիլին հարցաքննության է կանչվել Պետական անվտանգության ծառայություն այն բանից հետո, երբ Ֆեյսբուքում նշել է Պետական անվտանգության ծառայությունը և գրել.
«Ես նույնպես մասնակցել եմ այդ ուսումնասիրությանը: Կարող եք զանգահարել ինձ, ազատ զգացեք: Ես կգամ առանց դատավորների և փաստաբանների»:
Խոսքը BBC-ի կատարած հետաքննության մասին է, ըստ որի` հատուկ նշանակության ուժերը 2024 թվականի նոյեմբեր-դեկտեմբեր ամիսներին ցուցարարների դեմ օգտագործել են քիմիական նյութ։
Հիշեցնենք, Պետական անվտանգության ծառայությունը հարցաքննության է կանչում բժիշկներին և այլ անձանց, որոնք մասնակցել են հետազոտություններին տուժողների կլինիկական վիճակի կամ BBC-ին հարցազրույց տված քաղաքացիների վերաբերյալ:
