Բողոքի ակցիայի մասնակիցների խոսքով, երեկ՝ եվրոպամետ բողոքի ակցիաների 221-րդ օրը, մի անձ էլեկտրաշոկով հարձակվել է իրենց վրա։ Ըստ պատմածի` անհայտ անձը նախ մտել է ցուցարարների մեջ, սկսել է վիրավորել նրանց, ապա էլեկտրաշոկահարել է մի քանի մարդու։
Տեղեկության համաձայն` ոստիկանությունը նրան հեռացրել է դեպքի վայրից, բայց դեռևս հայտնի չէ՝ այդ անձը ձերբակալվել է, թե` ոչ։
Երաժիշտ, դերասան և հեռուստահաղորդավար Վանո Թարխնիշվիլին նույնպես հայտնել է, որ հարձակման է ենթարկվել և վնասվածքներ ստացել իր բնակարանի շենքի մոտ։
Դեպքը տեղի է ունեցել հուլիսի 6-ին։
Թարխնիշվիլին լուսանկար է հրապարակել, որում երևում են դեմքի կապտուկներն աչքերի և քթի շրջանում։
