Երեկ՝ սեպտեմբերի 2-ին, ոստիկանությունը Ռուսթավելիի պողոտայում վարչական կարգով ձերբակալել է 23 մարդու։
Ըստ ՆԳՆ-ի՝ բողոքի ակցիայի մասնակիցները խոչընդոտում էին երթևեկությունը և չէին ենթարկվում ոստիկանների պահանջներին։
Ձերբակալվածների թվում կան ուսանողներ և քաղաքացիական ակտիվիստներ։
Ձերբակալվածների գտնվելու վայրն այս պահին դեռևս անհայտ է։
«Սոցիալական արդարադատության կենտրոն» ոչ կառավարական կազմակերպությունը կոչ է արել ՆԳՆ-ին անհապաղ ազատ արձակել Ռուսթավելիի պողոտայում ձերբակալված 23 ցուցարարներին։ Կազմակերպությունը նրանց համարում է անօրինական ձերբակալված։
«Մենք կոչ ենք անում ՆԳՆ-ին դադարեցնել բողոքի ակցիայի մասնակիցների անօրինական ձերբակալությունը, հարգել խորհրդարանի մոտ հավաքված քաղաքացիների հավաքների և խոսքի ազատությունը և նրանց հնարավորություն տալ խաղաղ արտահայտելու իրենց բողոքը», — ասված է կազմակերպության հայտարարության մեջ։
Բողոքի ակցիայի մասնակիցները երեկ հավաքվել էին Թբիլիսիում խորհրդարանի շենքի մոտ այն բանից հետո, երբ Թբիլիսիի քաղաքային դատարանում հրապարակվեց դատավճիռներ, ըստ որոնց դատապարտվեցին՝
Անտոն Չեչինինը՝ 8 տարի 6 ամիս, Զվիադ Ցեցխլաձեն՝ 2 տարի 6 ամիս,
Վասիլ Կաձելաշվին՝ 2 տարի 6 ամիս,
Վեփխիա Կասրաձեն՝ 2 տարի 6 ամիս,
Ինսաֆ Ալիևը՝ 2 տարի,
Թորնիկե Գոշաձեն՝ 2 տարի,
Գիորգի Գորգաձեն՝ 2 տարի, Նիկոլոզ Ջավախիշվիլին՝ 2 տարի, Իրակլի Միմինոշվիլին՝ 2 տարի։
Բողոքի ակցիայի մասնակիցների մի մասը խորհրդարանի մոտից երթով շարժվել է դեպի «Վրացական երազանք»-ի գրասենյակ. ճանապարհին քաղաքացիների և ոստիկանության միջև իրավիճակը մի քանի անգամ լարվել է։
