Լրատվամիջոցների տարածած տեղեկության համաձայն՝ գների հարցերով խորհրդարանական հանձնաժողովը կգլխավորի Շոթա Բերեկաշվիլին։ Նշված է նաև, որ հանձնաժողովում «Ժողովրդի ուժը» կուսակցությունից ներկայացված կլինեն Էկա Սեփաշվիլին և Դիմիտրի Խունդաձեն։

Բերեկաշվիլին BM.GE-ի հետ զրույցում հաստատել է այս լուրը՝ նշելով, որ հանձնաժողովը կձևավորվի հաջորդ շաբաթ, ինչից հետո պարզ կդառնան բոլոր մանրամասները։

Հիշեցնենք, որ պարենային ապրանքների գների հարցով կառավարական համակարգող հանձնաժողովը, Իրակլի Կոբախիձեի գլխավորությամբ, առաջին նիստն անցկացրել է հունվարի 20-ին։ Հունվարի 21-ին հանձնաժողովի անդամները սուպերմարկետների ներկայացուցիչների հետ քննարկել են ապրանքների բարձր գները։ Հունվարի 22-ին Պետական անվտանգության ծառայության և Ֆինանսների նախարարության քննչական բաժինները ստուգումներ են սկսել տասնյակ դիստրիբյուտորական և առևտրային ցանցերում՝ պահանջելով անհրաժեշտ փաստաթղթեր։
Հաջորդող օրերին հանձնաժողովը հանդիպումներ է ունեցել դիստրիբյուտորների և արտադրողների հետ։ Այս շաբաթ նախատեսված են հանդիպումներ դեղորայքի և վառելիքի ոլորտների ընկերությունների հետ։