Այս պահին Թատերական համալսարանի մոտ ընթանում է ուսանողների աջակցության ցույց, որը կազմակերպել է «Վրացական կրթությունը վտանգի տակ» շարժումը։ Բողոքի ցույցերի մասնակից ուսանողներին աջակցելու նպատակով հավաքվել են դասախոսներ, ուսուցիչներ։ Թատերական համալսարանի ուսանողների ուսանողական կարգավիճակը մարտի 10-ին դադարեցրել է Թատերական համալսարանի էթիկայի հանձնաժողովը։
«Վրացական կրթությունը վտանգի տակ» կազմակերպության անդամները պահանջում են հանդիպում Թատերական համալսարանի էթիկայի հանձնաժողովի և գիտական խորհրդի հետ։
Այս խնդրին անդրադարձել է նաև Վրաստանի 5-րդ նախագահ Սալոմե Զուրաբիշվիլին` ասելով, որ ուսանողների կարգավիճակի դադարեցումը շատ ամոթալի արարք է։
Թատերական համալսարանի շենքում շուրջ երեք ամիս մի խումբ ուսանողներ բողոքի ակցիա էին իրականացնում։ Մարտի 9-ին համալսարանի ղեկավարությունն ու ոստիկանությունը ուսանողներից պահանջել են լքել շենքը, իսկ հաջորդ օրը, ըստ ուսանողական միության, 10 ուսանողի կարգավիճակը կասեցվել է։
