Թբիլիսիի միջազգային օդանավակայանը, ֆրանսիական Groupe ADP-ի ներդրած 150 միլիոն դոլարի շնորհիվ, գրեթե կկրկնապատկի իր չափերը գալիք հինգ տարվա ընթացքում: Այս նախագիծը հունվարի 14-ին TAV Georgia-ի և պետական ​​«Միացյալ օդանավակայաններ» ընկերության միջև ստորագրված համաձայնագրի մի մասն է։

Թբիլիսիի օդանավակայանի տարողունակությունը, կանխատեսվում է, տարեկան 5 միլիոնից կաճի մինչև 10 միլիոն ուղևոր։

Օդանավերի կայանատեղիների թիվը 58-ից կաճի մինչև 65, կընդլայնվի ուղեբեռի տարածքը, և կներդրվեն ժամանակակից ուղևորային ծառայություններ։

Նախագիծը ներկայացնելով՝ TAV Georgia-ի գործադիր տնօրեն Թեա Զաքարաձեն ընդգծել է նոր բիզնես տարածքների կարևորությունը, որոնք կենտրոնացած են մասնավոր չարթերային չվերթերի և մասնավոր ինքնաթիռների սեփականատերերի սպասարկման վրա: Նման տարածքների թիվը կեռապատկվի։

Թռիչքուղու ընդլայնում չի նախատեսվում: Զաքարաձեն նշել է, որ առկա ենթակառուցվածքները կարող են տեղավորել ցանկացած տեսակի և չափի ինքնաթիռներ։

Թբիլիսիի միջազգային օդանավակայանը պատկանում է պետական ​​«Միացյալ օդանավակայաններ» ընկերությանը։