Ռուսաստանի քաղաքացի Օլեգ Կուպրինը, որի անհետացման մասին երեկ հայտնել էին Վրաստանի հասարակական խմբերը, պահվում է ոստիկանական բաժանմունքում, հայտնել են Ներքին գործերի նախարարությունից։

Կուպրինը ձերբակալվել է թմրանյութերի ապօրինի ձեռքբերման և պահպանման մեղադրանքով։

Ըստ տեղեկությունների՝ նրա ձերբակալման և անձնական խուզարկության ժամանակ առգրավվել է «Կլեֆեդրոն» դեղամիջոցի փաթեթ։

ՆԳՆ-ն հայտնել է, որ հետաքննությունը տարվում է Քրեական օրենսգրքի 260-րդ հոդվածի համաձայն, որը նախատեսում է մինչև վեց տարի ազատազրկում։

Կուպրինի հարազատները նրան որոնում էին սոցիալական ցանցերի միջոցով։ 31-ամյա Ռուսաստանի քաղաքացին, որը բնակարան էր վարձակալել Գլդանիի շրջանում, դեկտեմբերի 7-ից ի վեր կապ չի հաստատել նրանց հետ։