Վրաստանի նախկին վարչապետ, այժմ ընդդիմադիր «Վրաստանի համար» կուսակցության հիմնադիր Գիորգի Գախարիան խոսել է հասարակության մեջ առկա բևեռացման մասին և քննադատել է ոչ միայն «Վրացական երազանք»-ին, այլև մյուս կուսակցություններին։

Մայիսի 27-ին՝ կուսակցության հիմնադրման չորրորդ տարեդարձի առթիվ, Գախարիան «Պուլմանի» հյուրանոցից դիմել է իր կուսակիցներին և կողմնակիցներին։

Ըստ Գախարիայի՝ ո՛չ «Վրացական երազանք»-ն է ազգային, ո՛չ ընդդիմությունն է եվրոպական. «Մենք բոլորս պետք է հասկանանք, որ ո՛չ մեկն է իսկապես ազգային, ո՛չ էլ մյուսը՝ իսկապես եվրոպական»։

Գախարիան, ինչպես ինքն է ասել, միտումնավոր չի նշել կուսակցությունների անունները. «Այսօր ես չեմ որոշակիացնի քաղաքական կուսակցությունները կամ առաջնորդներին»։

Գախարիան հայտարարել է՝ «Վրացական երազանք»-ը «ստիպված է եղել ֆիզիկապես բռնության ենթարկել քաղաքացիներին»։

2025 թվականի ապրիլի 14-ին Գախարիայի խորհրդարանում քննչական հանձնաժողովի առջև ներկայանալուց հետո, այլ ընդդիմադիր կուսակցություններ քննադատեցին նրան 5-րդ նախագահ Սալոմե Զուրաբիշվիլիի հովանու ներքո ստեղծված «Դիմադրության հարթակ»-ի շրջանակներում կնքված համաձայնագիրը խախտելու համար, որի համաձայն՝ կուսակցությունները չեն մասնակցում հանձնաժողովի նիստերին, քանի որ այն համարում են անօրինական։