Եվրոբարոմետրի 2025 թվականի մարտին անցկացված հարցման համաձայն՝ Վրաստանում Եվրամիության նկատմամբ վստահությունը 2024 թվականի աշնանից ի վեր նվազել է 9%-ով և կազմել 49%։ 2024 թվականի գարնան համեմատ վստահության ինդեքսը նվազել է 17%-ով։

Եվրոբարոմետրը հարցում է անցկացրել Եվրամիության նկատմամբ վստահության վերաբերյալ Վրաստանի թեկնածուի կարգավիճակ ստանալուց հետո։

Նման հարցում արդեն անցկացվել է երեք անգամ, և Եվրամիության նկատմամբ վստահության դինամիկան այսպիսին է.

• 2024 թվականի գարուն — 66%

• 2024 թվականի աշուն — 58%

• 2025 թվականի գարուն — 49%

9%-ով նվազել և 60% է կազմում այն մարդկանց թիվը, ովքեր Եվրամիությանը Վրաստանի անդամակցությունը դրական են գնահատում, 7%-ը կարծում է, որ Եվրամիությանը միանալը վատ է, իսկ 28%-ը չեզոք դիրքորոշում ունի։

Հարցումներն ընդգրկում են 2025 թվականի մարտի 27-ից ապրիլի 17-ն ընկած ժամանակահատվածը, և հարցազրույց է անցկացվել 1011 մարդու հետ։