«Կոալիցիա փոփոխությունների համար»-ի առաջնորդներից մեկը՝ Էլենե Խոշտարիան, ասել է, որ կդադարեցնի հացադուլը, եթե ընդդիմությունը համաձայնի չմասնակցել տեղական ինքնակառավարման մարմինների ընտրություններին։

Իր մտադրության մասին քաղաքական գործիչը հայտնել է «Պալիտրանիուս»-ի լրագրող Մերաբ Մետրևելիին։

Ընդդիմադիր քաղաքական գործիչը  հունիսի 27-ին է հացադուլ  հայտարարել։ «Ես պատրաստ եմ զոհաբերել ինձ ռեժիմի պատճառով», — ասել է նա՝ հանրությանն անհնազանդության կոչ անելով։

Հաջորդ օրը նրան միացել է քաղաքական գործիչ Գեդևան Փոփխաձեն։ Ավելի ուշ երեք ակտիվիստներ նույնպես հացադուլ են հայտարարել։

Խոշտարիան 2021 թվականի նոյեմբերին 17 օր տևողությամբ հացադուլ հայտարարեց՝ պահանջելով, որ Միխեիլ Սաակաշվիլին բանտից տեղափոխվի կլինիկա։