Այսօր լրանում է եվրոպամետ բողոքի ակցիաների մեկ տարին. մայրաքաղաքում ընթանում են բողոքի երթեր։

Այսօրվա բողոքի երթը կապված է «Վրացական երազանք»-ի վարչապետ Իրակլի Կոբախիձեի մեկ տարի առաջ արված հայտարարության հետ։

Մայրաքաղաքում, ժամը 19:00-ից սկսած, բողոքի երթը հավաքվել է երկու վայրերում՝ Թբիլիսիի պետական համալսարանի (ԹՊՀ) առաջին մասնաշենքի և Հանրային հեռարձակողի հին մասնաշենքի մոտ։

Երկու երթերը կմիանան Ֆիլհարմոնիայի շենքի մոտ և միասին կուղևորվեն դեպի Ռուսթավելիի պողոտա։

Այսօրվա բողոքի երթին կմիանան պրոֆեսորներ, տարբեր ոլորտների ներկայացուցիչներ, այդ թվում՝ ընդդիմադիր քաղաքական գործիչներ։

Հիշեցնենք, որ նոյեմբերի 28-ին լրացել է 1 տարին այն բանից, երբ Իրակլի Կոբախիձեն հայտարարեց, որ «Վրացական երազանք»-ի որոշման համաձայն՝ Եվրամիության հետ բանակցություններ սկսելու հարցը այլևս օրակարգում չի լինի մինչև 2028 թվականի վերջը։

Այս հայտարարությանը հաջորդել է 365 օր շարունակվող բողոքի երթը։

Քաղաքացիները հավաքվում են խորհրդարանի առջև անփոփոխ պահանջներով՝ նշանակել նոր խորհրդարանական ընտրություններ և ազատ արձակել բողոքի ակցիաների ժամանակ ձերբակալվածներին։

Թբիլիսիից բացի, վրացի արտագաղթյալները բողոքի ցույցեր են անցկացնում Եվրոպական տարբեր քաղաքներում։