Նոյեմբերի 19-ին բանտարկված ցուցարար Մաթե Դևիձեին աջակցող հանրահավաքի ժամանակ ձերբակալված Խալիբեգ Մագամեդովը դատապարտվել է 5-օրյա ազատազրկման: Որոշումը հրապարակվել է Թբիլիսիի քաղաքային դատարանում այսօր՝ նոյեմբերի 21-ին:
Ներքին գործերի նախարարությունը նրան մեղադրանք է առաջադրել ոստիկանի պահանջին չենթարկվելու համար, ինչը Վարչական իրավախախտումների վերաբերյալ օրենսգրքի 173-րդ հոդվածի խախտում է: Հոդվածը նախատեսում է տուգանք կամ ազատազրկում. ՆԳՆ ներկայացուցիչը միջնորդել է դատավորին ազատազրկման վճիռ կայացնել, ինչը բավարարվել է:
Նոյեմբերի 19-ին Թբիլիսիի պետական համալսարանից մինչև խորհրդարան երթ էր կազմակերպվել՝ ի պաշտպանություն բանտարկված 21-ամյա Մաթե Դևիձեի։ Ոստիկանությունն արգելել է անցնել ճանապարհի մի մասը: Ցուցարարները շարժվել են նեղ փողոցներով՝ ոստիկանությանը շփոթեցնելու համար:
