Ախալքալաքի մեծամասնական ընտրատարածքում 8 թեկնածու է պայքարում: Jnews-ի մեր գործընկերներն առանձնացրել են նրանց նախընտրական ծրագրերի կարևոր դրույթները:
«Ազգային ֆորում» կուսակցության կողմից առաջադրված Արմենակ Փոլորչյանը խոստանում է ընտրվելու դեպքում գյուղատնտեսության զարգացում: Մարդկանց համար պետք է ստեղծել այնպիսի իրավիճակ, որ գյուղատնտեսությունը շահութաբեր դառնա, գյուղացին կարողանա մի քիչ թեթևացնել իր հոգսերը:
Հաջորդ թեկնածուի Ռոբերտ Ջաղացպանյանի համար առաջնային խնդիր է՝ հողերի հետ կապված խնդիրները, մասնավորապես սեփականաշնորհման մասին օրենքում փոփոխությունները:
«Միացյալ ազգային շարժում» կուսակցության կողմից առաջադրված Արսեն Կարապետյանը ընտրությունների է գնում «Ջավախքը՝ ջավախքցուն» կարգախոսով՝ Ջավախքը Վրաստանի մաս է ու պիտի զարգանա Վրաստանի հետ միաժամանակ:
Արտաշես Պալանջյանը նախաձեռնող խմբի կողմից կարևորում է, որ Վրաստանում ընդունված օրենքները հավասարապես գործեն շրջաններում ևս: Իրավահավասարություն լինի: Այսինքն Ախալքալաքում ևս գործեն այն օրենքները, որոնք ընդունվում են Վրաստանում: Վերականգնվի մարդկանց ընտրության իրավական իրավունքը:
«Վրացական երազանք»-ից Հենզել Մկոյանի համար ևս ամենակարևոր նախընտրական խոստումը՝ հողերի խնդրի լուծումն է, մասնավորապես դրանց հավասարապես բաշխումը:
Մերուժան Կարախանյանը պատգամավոր լինելու դեպքում խոստանում է փակել Բաքու-Թբիլիսի-Ախալքալաքի-Կարս երկաթգիծը:
Շաքրո Այվազյանը ներկայացնում է Պաատա Բուճուլաձեի՝ Պետությունը Ժողովրդի համար կուսակցությունը, նրա նախընտրական խոստումը արդարության վերականգնումն է բոլոր ոլորտներում:
Հանրապետական կուսակցությունը ներկայացնող Աշոտ Սահարյանը խորհրդարանում հայտնվելու դեպքում կվերացնի աղքատությունը:
Տեղեկատվությունը և լուսանկարները՝ jnews.ge-ի
