Սպասվում է, որ 2027-2028 ուսումնական տարվա ավարտին բարձրագույն ուսումնական հաստատություններ դիմորդների թիվը կկրկնապատկվի:

«Վրացական երազանք»-ի կառավարության կրթական բարեփոխումների համաձայն՝ ներկայիս 9-րդ և 10-րդ դասարանների աշակերտների թվով է պայմանավորված այս ակնկալիքը։

Ներկայում, ինչպես պետական, այնպես էլ մասնավոր դպրոցներում 9-րդ և 10-րդ դասարանների աշակերտների ընդհանուր թիվը կազմում է 115 հազար 38: Անցյալ տարի, ըստ Geostat-ի, 12-րդ դասարանում կար 41 հազար 199 աշակերտ, և ազգային քննություններին գրանցվել էր մոտ 39 հազար դիմորդ։

Կրթության նախարար Գիվի Միքանաձեի հայտարարության համաձայն՝ 2027-2028 ուսումնական տարում 12-ամյա կրթական գործընթացից 11-ամյա անցման ընթացքում, դիմորդների թվի աճի պատճառով, բարձրագույն ուսումնական հաստատությունների ընդունելության քվոտաները չեն ավելանա։ Համապատասխանաբար, մրցակցությունը նույնպես կկրկնապատկվի։