Թբիլիսիի Մելիքիշվիլիի պողոտայում տեղի ունեցած բախումից հետո Ներքին գործերի նախարարությունը մամուլի հաղորդագրություն է տարածել. ըստ ՆԳՆ-ի՝ միջադեպի վերաբերյալ հետաքննություն է սկսվել Քրեական օրենսգրքի 126-րդ հոդվածի 1-ին մասով` խմբակային բռնություն: Այս հանցագործությունը պատժվում է 4-ից 6 տարի ազատազրկմամբ։

Ժամը 22:18-ին ՆԳՆ-ի հրապարակած մամուլի հաղորդագրության համաձայն՝ «իրավապահ մարմինները համապատասխան քննչական գործողություններ են իրականացրել փաստի կապակցությամբ»:

Իրավապահ մարմնի պնդմամբ` «միջադեպի վայրում գտնվող իրավապահ մարմինները համապատասխան միջոցներ են ձեռնարկել իրավիճակը լիցքաթափելու և հակամարտության հետագա սրումը կանխելու համար»։

Բախման հետևանքով կան վիրավորներ, մի քանի մարդ շտապ բժշկական օգնության կարիք է ունեցել, իսկ Publica-ի լրագրողներ Ալեքսանդրե Քեշելաշվիլիի և Քեթո Միքաձեի հեռախոսները խլել են: Հունգարացի ակտիվիստ և լրագրող Լասլո Ռոբերտ Մեզեսը ենթարկվել է ֆիզիկական հարձակման: OC Media-ի տնօրեն Մարիամ Նիկուրաձեի վրա մի քանի ոստիկանների ներկայությամբ ջուր են լցրել, տեղում գտնվողների խոսքով` ոստիկանությունն ինքն է միջամտել նրա լրագրողական աշխատանքին և հայհոյել Netgazeti-ի լրագրողներից մեկին:

Դեպքի վայրում գտնվող ցուցարարները պատմել են բախման ժամանակ ոստիկանության անգործության մասին. ըստ ցուցարարների՝ ոստիկանությունը Կախա Կալաձեի շտաբի մոտ չի ձերբակալել ոչ մի հանցագործի:

Նշենք. երեկ եվրոպամետ բողոքի ակցիաների 285-րդ օրն էր. Թբիլիսիի Մելիքիշվիլիի պողոտայում գտնվող Կախա Կալաձեի շտաբի մոտ ցուցարարների և «Վրացական երազանք»-ի ներկայացուցիչների միջև բախում է տեղի ունեցել. իրավիճակը մինչև ակցիայի ավարտը մնացել է լարված։ Ըստ ցուցարարների՝ «Վրացական երազանք» կուսակցության ներկայացուցիչները վիրավորանքներ են հասցրել հանրահավաքի մասնակիցներին և իրեր նետել նրանց ուղղությամբ։

Մելիքաշվիլիի պողոտայում լարված իրավիճակ է. եվրոպամետ ակցիայի 285-րդ օրը