Ձեռնարկված օպերատիվ միջոցառումների և քննչական գործողությունների արդյունքում ՆԳՆ Մցխեթա-Մթիանեթիի ոստիկանության դեպարտամենտի աշխատակիցները, խմբակային նախնական համաձայնությամբ առանձնապես խոշոր չափերով թմրանյութերի ապօրինի ձեռքբերման, պահպանման և վաճառքին նպաստելու մեղադրանքով, ձերբակալել են Ուկրաինայի Հանրապետության 2 քաղաքացու՝ 1964 թվականին ծնված Ի.Պ.-ին և 2004 թվականին ծնված Բ.Վ.-ին, հայտնել է ՆԳՆ-ն։

Նախարարության տվյալներով՝ մեղադրյալների անձնական խուզարկության արդյունքում իրավապահ մարմինների աշխատակիցները նաև առգրավել են «Մեթադոն» թմրանյութի առանձնապես խոշոր չափաբաժին՝ մինչև 1 կիլոգրամ։

Քննչական գործողությունների արդյունքում ոստիկանությունը նաև առգրավել է թմրանյութերի փաթեթավորման համար անհրաժեշտ նյութեր և էլեկտրական կշեռք։

Քննությունը շարունակվում է Վրաստանի քրեական օրենսգրքի 260-րդ և 264-րդ հոդվածներով։ Հանցագործությունը պատժվում է մինչև 20 տարի կամ ցմահ ազատազրկմամբ։