Transparency International Georgia-ն խորապես մտահոգված է Վրաստանում քաղաքացիական հասարակության կազմակերպությունների նկատմամբ հետապնդումների աճով։
Կազմակերպության Բեռլինի գրասենյակն արձագանքել է Transparency International Georgia-ի գործադիր տնօրեն Էկա Գիգաուրիի հարցաքննությանը «դիմակների գործի» շրջանակներում։
Transparency International-ը հայտարարել է, որ մեղադրանքները, որոնք ներառում են դիվերսիա, օտարերկրյա պետությունների հետ համագործակցություն և ֆինանսական հանցագործություններ, անհիմն են և լռեցնելու փորձ են Վրաստանի առաջատար հակակոռուպցիոն կազմակերպություններից մեկին։
«Կա իրական ռիսկ, որ հարցաքննություններին շուտով կհաջորդի քաղաքացիական հասարակության առաջնորդների, այդ թվում՝ Էկա Գիգաուրիի դեմ քաղաքական դրդապատճառներով քրեական հետապնդում։
Այս մոտեցումը ձեռնարկվել է քաղաքացիական հասարակության նկատմամբ լայնածավալ ճնշումների պայմաններում։ Transparency International Georgia-ն արդեն իսկ կրկնակի մոնիթորինգի տակ է «Օտարերկրյա գործակալների մասին» օրենքի և նոր «Դրամաշնորհների մասին» օրենքի միջոցով։ Այս հակաժողովրդավարական միջոցառումները քրեականացնում են ՀԿ-ների օրինական գործունեությունը և անկախ դիրքորոշում ունեցողներին հայտարարում օտարերկրյա գործակալներ», — ասված է ՀԿ-ի հայտարարության մեջ։
