Transparency International Georgia-ի  (TI) հայտարարության համաձայն՝ մեկ տարվա անընդմեջ բողոքի ցույցերի ընթացքում գրանցվել է լրագրողների նկատմամբ տարբեր տեսակի բռնության և լրագրողական գործունեությանը միջամտության մինչև 400 դեպք։

«Մեկ տարվա անընդմեջ բողոքի ցույցերը, որ հաջորդեցին «Վրացական երազանք»-ի 2024 թվականի նոյեմբերի 28-ին Եվրամիությանը անդամակցությունը կասեցնելու որոշմանը, հատկապես դժվար էր վրացական քննադատական ​​լրատվամիջոցների համար, որոնք արդեն իսկ սակավ ֆինանսական և տեխնիկական ռեսուրսների պայմաններում լուսաբանեցին բողոքի գործընթացները՝ լրագրողների անվտանգությունն ու առողջությունը վտանգելով։

Մեկ տարվա բողոքի ցույցերի ընթացքում գրանցվել է անկախ լրատվամիջոցների և լրագրողների նկատմամբ տարբեր տեսակի բռնությունների, սպառնալիքների, հետապնդումների և լրագրողական գործունեությանը միջամտության տարբեր ձևերի մինչև 400 հրապարակայնորեն գրանցված դեպք։

Դրանցից մինչև 300-ը՝ այս տարի, իսկ մինչև 100-ը՝ 2024 թվականի վերջին մեկ ամսվա ընթացքում», — ասված է հայտարարության մեջ։