Մի շարք քաղաքական կուսակցություններ և քաղաքացիական հասարակության անդամներ շաբաթ օրը՝ դեկտեմբերի 6-ի ժամը 19:00-ին, Ֆիլհարմոնիայի շենքից երթով կշարժվեն խորհրդարան՝ պահանջելով, որ արևմտյան դաշնակիցները միջազգային հետաքննություն անցկացնեն քիմիական նյութերի օգտագործման վերաբերյալ։

««Վրացական երազանք»-ի քարոզչական և ռեպրեսիվ մեքենայի արձագանքը Բրիտանական հանրային հեռարձակողի լրագրողական հետաքննությանը` խորացնում է այն համոզմունքը, որ մեղադրանքներն արդարացի են, և որ Իվանիշվիլիի ռեժիմը տարիներ շարունակ քիմիական թունավորում է իրականացրել Վրաստանի քաղաքացիների նկատմամբ՝ նրանց քաղաքացիական դիմադրությունը չեզոքացնելու և իշխանությունը պահպանելու համար։

Հետևաբար, շաբաթ օրը՝ դեկտեմբերի 6-ին, ժամը 19:00-ին, ժողովրդավարական քաղաքական կուսակցությունները և քաղաքացիական հասարակությունը երթով կշարժվեն Ֆիլհարմոնիայից Ռուսթավելի և կպահանջեն արևմտյան դաշնակիցներից միջազգային հետաքննություն անցկացնել քիմիական թունավորման վերաբերյալ։

Պահանջը բավարարելու հավանականությունը կմեծանա, եթե մեզանից շատերը հավաքվեն։

Մենք պետք է շատ լինենք, քանի որ Իվանիշվիլիի թույնը մեր միջև տարբերություն չի դնում՝ թունավորում է բոլորիս», — ասված է հայտարարության մեջ։

Հիշեցնենք, BBC-ի վերջերս անցկացրած հետաքննությունը լուրջ ապացույցներ է ներկայացրել, որ «Վրաստանի իշխանություններն արգելված քիմիական նյութեր են օգտագործել Վրաստանի քաղաքացիների դեմ 2024 թվականին հակակառավարական խաղաղ բողոքի ցույցերի բռնի ճնշման ժամանակ»։