«Վրացական երազանք»-ի նախաձեռնությամբ «Վրաստանի խաղողի և գինու մասին» օրենքում ներառվել են օրենսդրական փոփոխություններ: Ըստ փոփոխությունների` ձեռնարկատիրական նպատակներով խաղողի այգի մշակելու համար անհրաժեշտ կլինի թույլտվություն, որը, ըստ նախագծի, կտրամադրի Գինու ազգային գործակալությունը։
Օրենքի նախագծի պարզաբանման բաժնում նշված է, որ խաղողի այգի մշակելու համար հարկավոր է Գինու ազգային գործակալության թույլտվությունը ֆիզիկական կամ իրավաբանական անձին առևտրային խաղողի այգի մշակելու իրավունքի և համապատասխան փաստաթղթի տրամադրման համար։
«Քանի որ օրենքը լրացվում է ձեռնարկատիրական խաղողի այգու մշակման համար համաձայնության սահմանմամբ, անհրաժեշտ է իրավաբանորեն կարգավորել այդ համաձայնության տրամադրման ընթացակարգերը։
Համապատասխանաբար, օրենքի 336-րդ հոդվածի 15-րդ կետից հետո ավելացվում է 16-րդ կետը, որի համաձայն՝ Վրաստանի շրջակա միջավայրի պաշտպանության և գյուղատնտեսության նախարարը մինչև 2026 թվականի մարտի 1-ը պետք է հրաման արձակի «Ձեռնարկատիրական խաղողի այգու մշակման կարգը սահմանելու մասին», — նշված է պարզաբանման մեջ։
Հետաքրքրված անձը կկարողանա փաստաթղթերը ներկայացնել ինչպես նյութական, այնպես էլ էլեկտրոնային ձևով։ Գործակալությունը համաձայնությունը կտրամադրի անվճար։
Մեկ այլ փոփոխությամբ` տեխնոլոգիական գործընթացների գրանցման և ծանուցման պարտավորությունը կդրվի բոլոր գինեգործական ընկերությունների վրա, այդ թվում՝ այն գինեգործների, որոնց գինու տարեկան ընդհանուր վաճառքը չի գերազանցում 1500 լիտրը։
