Վրաստանի ներքին գործերի նախարարության (ՆԳՆ) Թբիլիսիի ոստիկանության աշխատակիցները ձերբակալել են նախկինում դատվածություն ունեցող 1970 թվականին ծնված Կ.Ֆ.-ին և 1992 թվականին ծնված Բելառուսի քաղաքացի Ս.Ռ.-ին՝ առանձնապես խոշոր չափի թմրամիջոցների ապօրինի ձեռքբերման և պահպանման, նաև դրանց ապօրինի վաճառքին նպաստելու մեղադրանքով։ Այս հաղորդագրությունը տարածել է ՆԳՆ-ն։

Մեղադրյալների անձնական և բնակելի տների խուզարկության ժամանակ իրավապահ մարմինների աշխատակիցները որպես ապացույց առգրավել են առանձնապես խոշոր չափի «տետրահիդրոկաննաբինոլ» և «չորացրած մարիխուանա» թմրամիջոցներ։

Քննչական փորձարարության ընթացքում մեղադրյալներից մեկի նշած մի քանի վայրերից առգրավվել է նաև վաճառքի համար պատրաստված «մեթադոն» թմրամիջոց։

Քննությունը շարունակվում է Քրեական օրենսգրքի 260-րդ և 260-րդ քառորդ հոդվածներով, որոնք նախատեսում են մինչև 20 տարի կամ ցմահ ազատազրկում։