Շաբաթ օրը՝ փետրվարի 14-ին, մայրաքաղաքում կանցկացվի «Գները խեղդում են մեզ» խորագրով երթ։
Պետական կառավարման մասնագետ Դաթո Գունաշվիլին նշել է, որ փետրվարի 14-ին իրենք պետք է միասին ցույց տան կառավարությանը, որ երբեք չեն հաշտվի իրենց համաքաղաքացիների միտումնավոր ճնշման և աղքատացման հեռանկարի հետ։
«Բիձինա Իվանիշվիլին և նրան ծառայող անօրինական ռեժիմը, որը զավթել է մեր պետությունը, մեթոդաբար և նպատակասլաց կերպով փորձում են ստիպել վրաց ժողովրդին ապրել լիակատար վերահսկողության տակ։
Այս նպատակին հասնելու համար ռեժիմն իրականացնում է տնտեսական քաղաքականություն, որն ուղղված է մեր երկրի լիակատար մեկուսացմանը զարգացած աշխարհից և բնակչության աղքատացմանը, որպեսզի իրենց և իրենց երեխաների համար ապրուստ վաստակելու պայքարից տառապող մարդիկ երբեք չկարողանան մտածել այլ բանի մասին։
Մարդու հիմնարար իրավունքների և ազատությունների սահմանափակմանը զուգընթաց, այս ռեժիմի կառավարման ներքո Վրաստանի քաղաքացիների մեծամասնությունն արդեն իսկ անտանելի աղքատության եզրին է», — ասել է Գունաշվիլին:
