Սուրբ Զատիկի տոնի կապակցությամբ Թբիլիսիի մետրոն ապրիլի 12-ին կաշխատի մինչև ժամը 04:00-ն։ Ապրիլի 11-ի ժամը 23:00-ից մինչև ապրիլի 12-ի 04:00-ն երթևեկությունն անվճար կլինի։

Մայրաքաղաքի քաղաքապետարանի հաղորդմամբ՝ ապրիլի 12-ին և 13-ին սահմանվել է նաև ավտոբուսային ինը ժամանակավոր երթուղի։ Ավտոբուսները ժամը 08:00-ից 20:00-ն ուղևորներին կփոխադրեն Մուխաթգվերդիի, Վաշլիջվարիի, Կուկիայի, Նոր Կուկիայի, Մախաթայի, Սաբուրթալոյի, Ղրմաղելիի, Վելիի և Վարկեթիլիի գերեզմանատների ուղղությամբ։

Ավտոբուսները կշարժվեն հետևյալ մետրոկայարաններից և տարածքներից.

• «Մարջանիշվիլի»

• «Դելիսի»

• «Սարաջիշվիլի»

• «Վարկեթիլի» մետրոյի հարակից տարածք

• «Դիդուբե» կայարանի վերին ելք

• «Սադգուրիս Մոեդանի»

• Բեսարիոն Ճիճինաձեի փողոց (N25 շենքի դիմաց)

• Վարկեթիլի III զանգված (Շուամթայի և Աբաշվիլիի փողոցների խաչմերուկ)

Նշված երթուղիների ավտոբուսներից քաղաքացիները երկու օր շարունակ կօգտվեն անվճար։