Վրաստանից չկառավարվող Աբխազիայի դե ֆակտո արտաքին գործերի նախարարությունը հայտարարություն է տարածել՝ արձագանքելով Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովայի հայտարարությանը Վրաստանի՝ Եվրամիությանը անդամակցելու արդյունքների վերաբերյալ։
«Աբխազիայի Հանրապետության արտաքին գործերի նախարարությունը մանրամասն ուսումնասիրել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովայի հայտարարությունը Վրաստանի՝ Եվրամիությանն անդամակցելու արդյունքների վերաբերյալ և համամիտ է Ռուսաստանի դիրքորոշմանը Վրաստանի՝ Եվրամիությանը անդամակցելու հնարավոր հետևանքների վերաբերյալ», — ասված է դե ֆակտո նախարարության հայտարարության մեջ։
Նաև նշված է, որ նախարարությունն ուշադիր հետևում է Վրաստանի արտաքին քաղաքականության զարգացմանը և կարծում է, որ Վրաստանի քաղաքականությունը չի նպաստում տարածաշրջանում վստահության ամրապնդմանը, ինչը, ըստ աբխազական կողմի, հաստատվում է մի շարք փաստերով՝ վրացական կողմի պարբերական հայտարարություններով, ՆԱՏՕ-ի հետ ռազմական համագործակցությամբ, Աբխազիայի հետ ուժի չկիրառման մասին իրավաբանորեն պարտավորեցնող համաձայնագիր ստորագրելուց հրաժարվելով, նաև Աբխազիայի Հանրապետության միջազգային մեկուսացմանն ուղղված Վրաստանի քաղաքականությամբ.
«Նման գործողությունները չեն կարող գնահատվել այլ կերպ, քան որպես տարածաշրջանային կայունության վրա բացասաբար ազդող և լարվածության մակարդակը բարձրացնող գործոն։
Մեկ այլ լուրջ անկայունացնող գործոն է Վրաստանի ապակառուցողական դիրքորոշումը, որը, մասնավորապես, արտահայտվում է Աբխազիայի Հանրապետության հետ ուժի չկիրառման վերաբերյալ իրավաբանորեն պարտավորեցնող համաձայնագրի ստորագրության հրաժարմամբ, որը Անդրկովկասում անվտանգության և կայունության վերաբերյալ միջազգային քննարկումների հիմնական նպատակն է։ Իր հերթին, աբխազական կողմը շեշտում է այս իրավաբանորեն պարտավորեցնող համաձայնագրի կնքման ուղղությամբ ջանքերի ակտիվացման կարևորությունը քննարկումների յուրաքանչյուր փուլում։
Վերոնշյալից հետևում է, որ հենց Թբիլիսին է խոչընդոտում տարածաշրջանում կայուն անվտանգության ճարտարապետության ձևավորմանը։ Մենք հետևողականորեն ելնում ենք մեր սեփական անվտանգության, ինքնիշխանության և կայուն զարգացման ապահովման առաջնահերթությունից»։
