Բրյուսելի Եվրոպական արտաքին գործողությունների ծառայությունում (EEAS) «Վրաստանն ուշադրության կենտրոնում» վավերագրական լուսանկարների ցուցահանդես է բացվել:
«Եթե անցնեք այստեղով, կտեսնեք ցույցին մասնակցող երիտասարդի լուսանկարներից մեկը, որի ձեռքին պաստառ է «Դուք պայքարում եք սխալ սերնդի դեմ» գրությամբ: Կարծում եմ՝ պետք է գրված լինի. «Դուք պայքարում եք սխալ երկրի դեմ»: Ես չեմ կորցնում հույսը, որ Վրաստանը կվերադառնա եվրոպական ինտեգրման ուղուն և կմնա ժողովրդավարական», — Բրյուսելում Եվրոպական արտաքին գործողությունների ծառայությունում (EEAS) «Վրաստանն ուշադրության կենտրոնում» վավերագրական լուսանկարների ցուցահանդեսի բացման ժամանակ ասել է Վրաստանում ԵՄ դեսպան Պավել Հերչինսկին։
2015-2025 թվականներին ԵՄ լրագրության մրցանակին արժանացած վրացի լուսանկարիչների աշխատանքները ցուցադրվել են EEAS-ի նախասրահում: Ցուցահանդեսի կենտրոնական մասում Սախարովի անվան մրցանակի դափնեկիր և «Netgazeti»-ի ու «Batumelebi»-ի հիմնադիր Մզիա Ամաղլոբելիի լուսանկարն է դատարանի դահլիճից:
