Միացյալ Նահանգների մայրաքաղաք Վաշինգտոնի քաղաքապետ Մյուրիել Բաուզերը հատուկ հռչակագիր է հրապարակել, որի համաձայն՝ մայիսի 26-ը Վաշինգտոնում հայտարարվել է Վրաստանի անկախության օր։

«Քանի որ Վրաստանի Հանրապետությունը համաշխարհային հանրության կենսականորեն կարևոր անդամ է՝ ուժեղ ժողովրդավարական արժեքների բարելավման, դինամիկ տնտեսական զարգացման և ռազմավարական միջազգային համագործակցության համար,

Քանի որ մեր վրաց-ամերիկյան համայնքի ժառանգությունը, ավանդույթներն ու ձեռքբերումները զգալիորեն հարստացնում են մեր տեղական համայնքների և մեր ազգի մշակութային բազմազանությունն ու տնտեսական ուժը,

Քանի որ Վրաստանի դեսպանատունն ուժեղացնում է Կոլումբիայի շրջանն իր ներկայացուցչությամբ և մեր համայնքներում մշակութային ներգրավվածության միջոցով,

Քանի որ, ի պատիվ մեր արժեքավոր հարաբերությունների և մշակութային փոխանակման, մենք միանում ենք վրաց ժողովրդին և վրացական սփյուռքին՝ նշելու Վրաստանի անկախության 35-ամյակը,

Հետևաբար, այժմ ես՝ Վաշինգտոնի քաղաքապետս, սույն փաստաթղթով 2026 թվականի մայիսի 26-ը Վաշինգտոնում հայտարարում եմ «Վրաստանի անկախության օր»»,- կարդում ենք հռչակագրում։