Աջարիայի բնակիչը ձերբակալվել է օտարերկրյա քաղաքացուն գյուղատնտեսական հողատարածք վաճառելու համար պաշտոնական փաստաթղթեր կեղծելու մեղադրանքով, հայտնել է Վրաստանի դատախազությունը։
Օրենքի համաձայն՝ օտարերկրացիները և օտարերկրյա ընկերությունները չեն կարող Վրաստանում գյուղատնտեսական հողատարածքներ ձեռք բերել։ Այս արգելքը շրջանցելու համար Քոբուլեթիի մունիցիպալիտետում գտնվող հողամասի սեփականատերը դիմել է մեղադրյալի օգնությանը։ 500 դոլարով Քոբուլեթիի քաղաքապետի անունից նա կեղծ թույլտվություն է պատրաստել կահույքի գործարան կառուցելու համար։ Այս փաստաթղթի հիման վրա հողամասը տեղափոխվել է ոչ գյուղատնտեսական հողերի կատեգորիա, որից հետո վաճառվել է օտարերկրացու։
Օգոստոսի 6-ին իրավապահ մարմինների աշխատակիցները ձերբակալել են կասկածյալին։ Նրան մեղադրանք է առաջադրվել կեղծ պաշտոնական փաստաթուղթ պատրաստելու և վաճառելու համար, որը խոշոր վնաս է պատճառել։ Այս հոդվածով նախատեսված պատիժը նախատեսում է մինչև վեց տարի ազատազրկում։
