«Ապավեն» միջազգային բեռնափոխադրող ընկերությունը նույնպես միացել է «Մենք ենք մեր սահմանները» համազգային շարժմանը՝ 65 միլիոն դրամ նվիրաբերելով «Հայաստան» համահայկական հիմնադրամին:
Այս մասին ասվում է հիմնադրամի ֆեյսբուքյան էջում:
Բացի դրամական օգնությունից, «Ապավեն» ընկերությունը նաև անվճար հիմունքներով Արցախ է փոխադրում Հիմնադրամի մարդասիրական օգնությունը:
Ի դեպ, ընկերության համահիմնադիր և Հայաստանի արդյունաբերողների և գործարարների միության նախագահ Արսեն Ղազարյանը նաև Հիմնադրամի հոգաբարձուների խորհրդի անդամ է:
