Վրաստանում գրանցված ավտոմեքենաների միայն 8%-ն է ապահովագրված։ Այս մասին նշված է Վրաստանի պետական ապահովագրական վերահսկողության ծառայության 2025 թվականի երկրորդ եռամսյակի զեկույցում։
Ազգային վիճակագրական ծառայության տվյալներով՝ Վրաստանում ներկայումս գրանցված է 1 847 988 ավտոմեքենա, սակայն հայտնի չէ, թե իրականում դրանցից քանիսն են շահագործվում։
Ըստ Business Press News-ի՝ մոտավորապես 147 839 ավտոմեքենա ավտոապահովագրություն ունի, մինչդեռ 1 700 149-ը՝ ապահովագրված չէ: Ինչպես նաև, Վրաստանում գրեթե յուրաքանչյուր 12-րդ ավտոմեքենան օգտագործվում է ռիսկերի ապահովագրության մեխանիզմներով։
Հարկ է նշել, որ պարտադիր երրորդ կողմի ապահովագրության ներդրման անհրաժեշտության մասին խոսվել է տարիներ շարունակ: Չնայած հարցը բազմիցս քննարկվել է, այն դեռևս լուծում չի ստացել։
Օրենքի շուրջ քննարկումներ եղել են նաև անցած տարի: Ինչպես ասել է Ապահովագրական ընկերությունների ասոցիացիայի նախագահ Դևի Խեչինաշվիլին, կառավարությունը մշակել է օրենքի նախագիծ, և կորոշի, թե երբ այն կուղարկի խորհրդարանի քննարկմանը:
«20 տարի մենք խոսում ենք պարտադիր երրորդ կողմի ապահովագրության մասին, բայց այս տարի իրավիճակը այլ է, քանի որ այս հարցի վերաբերյալ կառավարությունն արդեն մշակել է իր սեփական օրենքի նախագիծը: Այս օրենքի նախագիծը համաձայնեցվել և քննարկվել է ոլորտի ներկայացուցիչների հետ, և բոլոր գործընթացներն ավարտվել են կառավարական կառույցների հետ։ Կառավարությունը պատրաստ է հարցը խորհրդարան ուղարկելուն», — ասել է Դևի Խեչինաշվիլին «BusinessPressNews»-ին:
Իր գնահատմամբ՝ օրենքից բացի ոչինչ արմատապես չի փոխի իրավիճակը մեքենաների ապահովագրության առումով։
Խեչինաշվիլին նշել է, որ բժշկական ապահովագրությունից բացի, մնացած բոլոր ոլորտներում մենք ցածր ապահովագրության մակարդակ ունենք։ Նա ասել է, որ ավտոմեքենաները երկրորդ տեղում են, իսկ գույքի ապահովագրության դեպքում մակարդակն էլ ավելի ցածր է։
Հիշեցնենք, որ 2025 թվականի հունիսի 30-ի դրությամբ Վրաստանում գրանցված է 19 ապահովագրական ընկերություն, որոնք ունեն կյանքի և ոչ կյանքի ապահովագրության լիցենզիաներ: Բացի այդ, ապահովագրական ընկերությունների ընդհանուր ակտիվները վեց ամսվա ընթացքում կազմել են 1․727 միլիոն լարի, իսկ կապիտալը՝ 466 միլիոն լարի:
