PMC հետազոտական կենտրոնի տվյալներով՝ 2025 թվականի դեկտեմբերին աշխատավարձ ստացողների թիվը հասել է 1 մլն 25 հազար 339-ի։ Սա 2.8%-ով ավելի է 2025 թվականի նոյեմբերի և 4.3%-ով ավելի՝ 2024 թվականի դեկտեմբերի ցուցանիշներից։

Աշխատողների 9%-ը (92 հազար 280 անձ) ստացել է մինչև 600 լարի աշխատավարձ։ Ամենամեծ խումբը (աշխատողների 51%-ը կամ 522 հազար 924 անձ) ստացել է 2400 լարիից ավելի աշխատավարձ։

Նախորդ ամսվա համեմատ՝ մինչև 600 լարի ստացողների թիվը նվազել է, իսկ 2400 լարիից ավելի ստացողներինը՝ աճել։

Մասնավորապես, 2025 թվականի դեկտեմբերին մինչև 600 լարի ստացողների մասնաբաժինը կազմել է 9.4%, ինչը 3 տոկոսային կետով պակաս է նոյեմբերի և 1.8 տոկոսային կետով պակաս՝ 2024 թվականի դեկտեմբերի համեմատ։ Իսկ 2400 լարի և ավելի ստացողների մասնաբաժինը կազմել է 51%, ինչը նոյեմբերի համեմատ աճել է 17.6 տոկոսային կետով, իսկ 2024 թվականի դեկտեմբերի համեմատ՝ 6.4 տոկոսային կետով։

Ըստ Վրաստանի վիճակագրական ծառայության՝ 2025 թվականի 3-րդ եռամսյակի դրությամբ երկրում զբաղված է համարվում ընդհանուր առմամբ 1 միլիոն 396 հազար մարդ, որոնցից 975 հազարը պետական աշխատողներ են, իսկ 418 հազարը՝ ինքնազբաղվածներ։