Euroskop տեղեկատվական հարթակի փոխանցմամբ՝ Եվրախորհրդարանի մարդու իրավունքների ենթահանձնաժողովի (DROI) անդամները մայիսի 26-ին կայցելեն Թբիլիսի:
Տեղեկության համաձայն` ցուցակում ընդգրկված են Եվրախորհրդարանի հետևյալ պատգամավորները՝ Ադրիան Վասկես Լազարա, Ռասա Յուկնևիչիենե, Կատարինա Վիերիա, Նաչո Սանչես Ամոր և Մատիու Վալետի:
Եվրախորհրդարանի պատգամավորները հանդիպումներ կունենան տարբեր գերատեսչությունների ներկայացուցիչների հետ, այդ թվում՝ Հանրային պաշտպանի հետ։
Եվրոպական խորհրդարանի կայքում հրապարակված տեղեկության համաձայն՝ ենթահանձնաժողովի անդամները հանդիպումներ կանցկացնեն մայիսի 19-20-ը Ժնևում, մայիսի 26-ին՝ Վրաստանում, հուլիսի 21-ին՝ Կոնգոյի Դեմոկրատական Հանրապետությունում, սեպտեմբերի 15-ին՝ Բանգլադեշում և հոկտեմբերի 27-ին՝ Թուրքիայում։
