აზერბაიჯანის ყოფილმა საგარეო საქმეთა მინისტრმა ტოფიკ ზულფუღაროვმა განაცხადა, რომ კოლექტიური უსაფრთხოების ხელშეკრულების ორგანიზაციაში აზერბაიჯანის გაწევრიანება შეუძლებელია იმის გამო, რომ სომხეთი ამ ორგანიზაციის წევრია.
ზულფუღაროვის თქმით, აზერბაიჯანი CSTO- ის წევრი გახდება მხოლოდ “არცახის კონფლიქტის მოგვარების” შემთხვევაში. მან აღნიშნა, რომ აზერბაიჯანის გაწევრიანება ორგანიზაციას შეეძლო მხოლოდ “ოკუპირებული ტერიტორიების” განთავისუფლების და ყარაბაღის საკითხის გადაწყვეტის შემთხვევაში. ყოფილი მინისტრის განცხადებით, ასეთი მოვლენები შორს არის რეალობიდან და მიზეზი ისაა, რომ რუსეთის პოზიცია მთიანი ყარაბაღის კონფლიქტზეა დამოკიდებული.
ზულფუღაროვის აზრით, რუსული გარკვეული წრეები ქმნიან სიტუაციას, რომელიც კონფლიქტს ვერ მოაგვარებს. უფრო მეტიც, ყოფილი აზერბაიჯანელი მინისტრი ამტკიცებს, რომ “რუსეთის მიკერძოებული პოზიცია სომხეთის მხარეს საშუალებას მისცემს მოლაპარაკებების მაგიდასთან ექსტრემისტული პოზიციიდან გამოვიდეს, რაც არ იძლევა მოლაპარაკებების პროცესში პროგრესს”.
ბოლო პერიოდში, აზერბაიჯანულმა მედიამ გაავრცელა, რომ აზერბაიჯანი CSTO- ის წევრობას განიხილავს.
Latest posts by ანნა ტანდარიანი (see all)
- ქალები შუშის ჭერქვეშ - 25/03/2021
- “ქალების სრულყოფილების ფორმულა” - 24/03/2021
- ქალთა შრომითი ურთიერთობები და გენდერული როლები - 12/03/2021
