Թբիլիսիի քաղաքային դատարանի դատավոր Նինո Գալուստաշվիլին «Ռազմավարությունը Աղմաշենեբելի»-ի առաջնորդ Գիորգի Վաշաձեին դատապարտեց 7 ամսվա ազատազրկման։

Վաշաձեն ներկա չի եղել դատավճռի հրապարակմանը. նա կուսակցության գրասենյակում է։

Դատախազության պնդմամբ` Գիորգի Վաշաձեն չի կատարել ժամանակավոր քննչական հանձնաժողովի պահանջը։ Հանձնաժողովը նրա դեմ բողոք էր ներկայացրել դատախազություն։

Նույն գործով, երեկ՝ հունիսի 23-ին,  Զուրաբ Ջափարիձեն դատապարտվեց 7 ամսվա ազատազրկման, իսկ Մամուկա Խազարաձեն և Բադրի Ջափարիձեն՝ 8-ական ամսվա ազատազրկման։