Վրաստանի խորհրդարանն այսօր հետաձգեց համամասնական ընտրակարգի անցնելու մասին օրինագիծը։ Նախատեսվում է քվեարկությունն անցկացնել վաղը՝ նոյեմբերի 14-ին։ Խորհրդարանական խմբակցությունների հետ խորհրդակցությունից հետո նման որոշում է կայացրել է խորհրդարանի նախագահ Արչիլ Թալակվաձեն։
Օրենսդիրի ղեկավարը մեծամասնության առաջնորդներին վաղվա համար մոբիլիզացվելու կոչ է արել:
Հիշեցնենք՝ ըստ «Վրացական երազանք» կուսակցության նախաձեռնության, որը այս պահին ներկայացված է խորհրդարանի քննարկմանը, 2020 թվականի խորհրդարանական ընտրությունները տեղի կունենան միայն համամասնական ընտրական կարգով: Այժմ, երբ խորհրդարանը անցել է օրինագծի քննարկմանը, «Վրացական երազանք»-ի որոշ պատգամավորներ, սակայն, դրժում են քաղաքական ուժի տված խոստումը։
Ըստ սահմանադրական օրինագծի, մեծամասնական կարգը պետք է վերացվի, 2020 թվականի խորհրդարանական ընտրությունները պետք է անցկացվեն համամասնական համակարգով: Ներկայիս օրենքի համաձայն Վրաստանի ընտրական համակարգը համամասնականի է անցնելու 2024 թվականի ընտրությունների ժամանակ:
