Պաշտոնական տվյալներով՝ Վրաստանում կորոնավիրուսի համավարակի հետևանքով մահացել է 15 141 մարդ։ Հիվանդությունների վերահսկման ազգային կենտրոնը (NCDC) մանրամասն զեկույց է հրապարակել երկրում 2020-2021 թվականներին վիրուսի տարածվածության վերաբերյալ: Այդ թվում զեկույցում ներկայացված են մահացածների տարիքի վերաբերյալ վիճակագրական տվյալներ։

Զեկույցի համաձայն՝ մահացածների 96%-ը 50 տարեկանից բարձր քաղաքացիներ են, 86%-ը 60 տարեկանից, 61%-ը 70 տարեկանից բարձր։

Նշվում է, որ համավարակի պատճառով մահացությունների մեծ մասը պայմանավորված է տարիքով, ինչը կրկնակի անգամ ավելի կարևոր է դարձնում պատվաստումը այս տարիքային խմբում։

Վրաստանում 2020-2021 թվականներին կորոնավիրուսից մահացածների բաշխվածությունն ըստ տարիքային խմբերի.

• 0-9 տարեկան — 14, 0.1%,
• 10-19 տարեկան — 14, 0.1%,
• 20-29 տարեկան — 42, 0.3%,
• 30-39 տարեկան — 139, 1.0%,
• 40-49 տարեկան — 402, 2.9%,
• 50-59 տարեկան — 1 386, 10.0%,
• 60-69 տարեկան — 3 437, 24.8%,
• 70-79 տարեկան — 4 061, 29.3%,
• 80+ տարեկան — 4 394, 31.7%

2020-2021 թվականներին Վրաստանում COVID-19-ից մահացել է 13 860 քաղաքացի, որից 52%-ը կին և 48%-ը տղամարդիկ էին։

Ըստ NCDC-ի՝ մահացածների զգալի մասն ունեցել է ուղեկցող հիվանդություններ, որոնցից 81%-ը ուղեկցվել է թոքաբորբով:

COVID-19-ից մահվան դեպքերն ըստ ուղեկցող հիվանդությունների.

• հիպերտոնիա — 41%,
• շաքարային դիաբետ — 25,9%,
• էմբոլիա -8,2%,
• ուռուցքային հիվանդություններ — 5,6%,
• թոքերի խրոնիկ հիվանդություններ — 4,7%